कविता-अग्नि–ललकार:खगेन्द्र पन्धाक लिम्बू

This option will reset the home page of this site. Restoring any closed widgets or categories.

Reset

कविता-अग्नि–ललकार:खगेन्द्र पन्धाक लिम्बू

म युयुत्सु हुँ l

मान्छेको बिरुद्ध
युद्ध नलड्ने भनेर
चुपचाप बसेकोछु l
मेरो अखण्डता

सार्बभौम सत्ताको
घात गर्दै
अघि आयौ भने
एक्काइशौं शताब्दीको
अन्तिम युद्ध
तिमीसंगै लड्छु l
लड्छु तिमीसंगै l

कोलोनी बाँच्न सक्दिन l

दुई दशमलब चार प्रतिसत
भूगोलको फोक्टीमा
धरतीका सारा
पन्ध्र प्रतिशत
मान्छे/अ/मान्छे बीच
डढेलो सल्काउन चाहन्न l
मेरो शरीरभरि
झुल्ला थापेर
चकमक नपार
ममाथि तेल नथप

अहिले आगो भएकोछु l
शैलाधिपबाट
तिमीले चोरेका माटो

बंग्याएको ईतिहांसमा
अब,
लाभा उमालेर छोड्छु l

विस्तारवादी आतंककारी !
कुमनुच्छे !
तँलाई तुन्द्रुंगमा हाल्छु l
हाल्छु तँलाई तुन्द्रुंगमा l

क्लिव !
अज्यौली थापेर
जाफ्ता च्यात्न
म पनि जान्दछु l
अचैतन्य !
लोहकिल मिच्दै
मसंग सेम थपेर बढ्दैछौ l
भीरमा बसेर
सोघा झैं नतर्साऊ l

तिम्रो कल्पान्त नजिकिएकोछ l
मेरो राष्ट्रियतामा धावा नबोल l

लोदर योपन सहन सक्दिन l

म वाग्मीपुत्र हुँ l
अग्निशर्मा हुँ l
अग्रेठ भएकोछु l

स्वतन्त्र भुतल/व्योमप्रेमी
हिमाली राज्यको
प्रगल्भ नेपाली हुँ l
स्वाभिमानमा अपच
अतिक्रमण अक्षम्य छ l

तिम्रो भौज्य होइन यो मेची-महाकाली l

स्वाभिमान र स्वतन्त्रताको निमित्त
यो अझेटोमा
पुरै अढाई करोड भन्दा
बढी प्राणले
एकै चोटी
प्रतिरक्षात्मक रुपमा
अन्गुली खेल्दै
पृथ्वी रंग्याउन तयारछु l

मेरो इरादा बुझेर घुंडा टेक l

भाग यहाँबाट

रोटी पोलेर खाऊ l
धोतीले इज्जत छोप्न सिक l
त्यहिँ तिम्रो भलो छ l

म योगक्षेममा छुच्चोछु l

यो विपुलामा
मेरो पनि आफ्नै देश छ l

कोलोनी बाँच्न सक्दिन l

खबरदारीको यो अन्तिम पत्र हो –
अन्यथा,
म अन्तिम युद्ध तिमीसंगै लड्छु l

अजस्त्र म नेपालभक्त हुँ l

२०१० अगष्ट ०७
खगेन्द्र पन्धाक लिम्बू

प्रतिक्रिया छाड्नुस्